समलैंगिकतेवर आधारित 'शिरखुरमा' चित्रपटात शबाना आझमी यांची वर्णी

या चित्रपटात अभिनेत्री स्वरा भास्कर आणि दिव्या दत्ता या मुख्य भूमिकेत झळकणार आहेत. तर, सुरेखा शिखरी यांचीही महत्वपूर्ण भूमिका राहणार आहे.

मुंबई - बॉलिवूडची ज्येष्ठ अभिनेत्री शबाना आझमी यांची आगामी 'शिरखुरमा' चित्रपटात वर्णी लागली आहे. या चित्रपटाची काही दिवसांपूर्वीच घोषणा करण्यात आली होती. समलैंगिकता या विषयावर आधारित या चित्रपटाची कथा आहे.

आत्तापर्यंत बॉलिवूडमध्ये समलैंगिकतेवर आधारित बरेच चित्रपट तयार झाले. या चित्रपटांचाही प्रभाव प्रेक्षकांवर दिसू लागला आहे. त्यामुळे अशा विषयांवर प्रकाश टाकण्यासाठी नवनव्या चित्रपटांची निर्मिती करण्यात येत आहे. त्यापैकीच एक 'शिरखुरमा' आहे.

या चित्रपटात अभिनेत्री स्वरा भास्कर आणि दिव्या दत्ता या मुख्य भूमिकेत झळकणार आहेत. तर, सुरेखा शिखरी यांचीही महत्वपूर्ण भूमिका राहणार आहे.

दिग्दर्शक फराज अन्सारी हे या चित्रपटाचे दिग्दर्शन करत आहेत.

चित्रपटाच्या शूटिंगला लवकरच सुरूवात होणार आहे. पुढच्या वर्षी हा चित्रपट प्रेक्षकांच्या भेटीला येईल.