मुंबई -आजवर मराठी सिनेसृष्टीत बहिण - भावाच्या नात्यावर बरेच चित्रपट तयार झाले आहेत. अशाच बहिण-भावाच्या भावनिक नात्यावर आधारित असलेला 'खारी - बिस्किट' हा चित्रपट लवकरच प्रेक्षकांच्या भेटीला येणार आहे. दिग्दर्शक संजय जाधव यांचा हा ५० वा चित्रपट आहे. या चित्रपटात खारी नावाच्या बहिणीसाठी 'बिस्किट' असलेला भाऊ तिची प्रत्येक इच्छा पूर्ण करण्यासाठी काय काय करतो, हे दाखवण्यात येणार आहे.
काही दिवसांपूर्वीच या चित्रपटाचं मोशन पोस्टर प्रदर्शित झालं आहे. तसंच या चित्रपटातील गाणंदेखील सोशल मीडियावर हिट ठरलं आहे. वेदश्री खाडिलकर आणि आदर्श कदम यांनी या चित्रपटात 'खारी' आणि 'बिस्किट' हे पात्र साकारलं आहे.
हेही वाचा -'मुखवट्यामागे चेहरा लपतो, रावण नाही', 'विकी वेलींगकर'च्या 'मास्क मॅन'ची उत्कंठा कायम