सलमान खान आणि धर्मेंद्र यांच्या कुटुंबाचे नाते अगदी घट्ट आहे. धर्मेंद्र तर सलमानचे भरपूर लाड करीत असतात. म्हणूनच तर 'यमला पगला दीवाना' चित्रपटाच्या तिसऱ्या भागात सलमान पाहुणा कलाकार म्हणून झळकला होता. सध्या सनी देओलचा मुलगा करण देओलचा 'पल पल दिल के पास' हा चित्रपट प्रदर्शनाच्या मार्गावर आहे. या चित्रपटाला शुभेच्छा देणारे ट्विट सलमानने केले असून ते आता व्हायरल झालं आहे.
'पल पल दिल के पास' या चित्रपटातून करण देओल आणि सेहर बाम्बा बॉलिवूडमध्ये पदार्पण करीत आहेत. सलमानने ट्रेलर ट्विट केला असून कॅप्शनमध्ये लिहिलंय, ''या पिढीची सर्वात मोठी प्रेम कथा. ऑल द बेस्ट. सादर करीत आहे 'पल पल दिल के पास'चा ट्रेलर.''