मुंबई -सलमान खानचा 'दबंग ३' हा चित्रपट २० डिसेंबरला प्रदर्शित होण्यासाठी सज्ज झाला आहे. प्रदर्शित होण्याच्या एक दिवस आधी या चित्रपटातील चुलबुल पांडे आणि खुषी म्हणजेच सलमान खान आणि सई मांजरेकरची रोमॅन्टिक झलक असेललं 'आवारा' गाणं प्रदर्शित करण्यात आले आहे. सलमान खानने या गाण्याचा व्हिडिओ शेअर केला आहे. यापूर्वी त्याने या गाण्याचा ऑडिओ शेअर केला होता.
'हम और हमारी खुशी, लेकर आये है हमारे रोमान्स का फसाना', असे कॅप्शन सलमानने या व्हिडिओवर दिले आहे. इंडियन ऑयडॉलचा विजेता सलमान अली आणि मुस्कान यांनी हे गाणं गायलं आहे. तर, साजिद- वाजिद यांच्या जोडीने या गाण्याला संगीत दिले आहे. समीर अंजान आणि साजिद यांनी या गाण्याचे बोल लिहिले आहेत. या गाण्याच्या ऑडिओला सोशल मीडियावर चांगली पसंती मिळाली होती. त्यामुळे व्हिडिओ गाण्याची चाहत्यांना आतुरता होती.