मुंबई - सलमानचा बहुप्रतीक्षित 'दबंग ३' चा ट्रेलर प्रदर्शित झाल्यापासून चाहत्यांमध्ये सिनेमाबद्दलची उत्कंठा वाढली आहे. या चित्रपटाच्या क्लायमॅक्सची सध्या जोरदार चर्चा आहे. यामध्ये सलमान आणि खलनायक असलेल्या किचा सुदिप यांच्यात जोरदार हाणामारी होणार आहे. विशेष म्हणजे सलमान एकटा असेल आणि सुदिपसोबत ५०० जणांची फलटण असेल. सलमानने या फाईट सिनचा एक व्हिडिओ सोशल मीडियावर शेअर केला आहे.
सलमान खानची जबरदस्त अ‌ॅक्शन या सिनमध्ये पाहायला मिळते. तर, किचा सुदीपही तेवढीच तगडी टक्कर देताना दिसतो. अशी अ‌ॅक्शन यापूर्वी सलमानच्या कोणत्याही चित्रपटात यापूर्वी पाहायला मिळाली नव्हती. या सीन्समध्ये शेकडो गाड्या वापरण्यात आल्या आहेत, असे सिनेमाशी संबंधित व्यक्तीने सांगितले.
हेही वाचा -'जयेशभाई जोरदार' चित्रपटात रणवीरसोबत 'या' दाक्षिणात्य अभिनेत्रीची वर्णी