प्रेमाची २० वर्षे साजरी करणाऱ्या 'रितेश जेनेलिया'ने उडवली इंटरनेटवर 'धमाल'!!

रितेश देशमुखने शनिवारी त्याच्या इंस्टाग्रामवर पत्नी जेनेलियासोबतचे दोन फोटो शेअर केले आहेत. एक फोटो आत्ताचा आहे तर एक 20 वर्षे जुना आहे.

मुंबई- बॉलिवूडमध्ये आपल्या अप्रतिम कॉमेडीने प्रेक्षकांची मने जिंकणारा अभिनेता रितेश देशमुखने चाहत्यांशी एक सुंदर क्षण शेअर केला आहे. रितेशने पत्नी जेनेलिया डिसूजासोबतचा 20 वर्षे जुना फोटो सोशल मीडियावर शेअर केला आहे. या फोटोत हे जोडपे अगदी तरुण दिसत आहे. जेनेलियासोबतच्या नात्याला 20 वर्षे पूर्ण झाल्याच्या निमित्ताने रितेशने हा फोटो शेअर केला आहे.

शनिवारी रितेशने पत्नी जेनेलियासोबतचे दोन फोटो इंस्टाग्रामवर शेअर केले. एक फोटो आत्ताचा आहे तर एक 20 वर्षे जुना आहे. हे फोटो शेअर करत रितेशने कॅप्शनमध्ये लिहिले की, ''मी जे करतो त्याला प्रेम नाही ‘वेड’ म्हणतात.''

या पोस्टवर कॉमेंट देत जेनेलियानेही मराठीत लिहिले, ''जसं जसं वयं वाढलं तसं कळलं की या वेडेपणाला प्रेम म्हणतात.''

बॉलीवूड अभिनेता रितेश दशमुख आणि त्याची पत्नी जेनेलिया डिसूजा यांची जोडी पुन्हा एकदा पडद्यावर धमाल करणार आहे. अलीकडेच, या जोडप्याने नुकताच लग्नाचा 10 वा वाढदिवस साजरा केला आणि चाहत्यांना नवीन चित्रपटाची भेट देखील दिली.

रितेश-जेनेलिया 'मिस्टर ममी' चित्रपटात एकत्र दिसणार आहेत. चित्रपटाचा फर्स्ट लूक समोर आला आहे, जो पाहणे खूपच मजेशीर आहे. हा एक रोमँटिक कॉमेडी चित्रपट आहे.

४ फेब्रुवारी रोजी निर्मात्यांनी चित्रपटाचे अनेक पोस्टर लाँच केले. या पोस्टर्सवर रितेश आणि जिनलिया प्रेग्नंट दिसत आहेत. या पोस्टर्सची टॅग लाइन आहे 'भरपूर दिल कॉमेडी पेट से'.

'मिस्टर मम्मी' या चित्रपटाचे शाद अली दिग्दर्शन करणार आहे. भूषण कुमार आणि हेक्टिक सिनेमा प्रायव्हेट लिमिटेड या चित्रपटाची निर्मिती करणार आहेत.

रितेश आणि जेनेलियाने 'मुझे तेरी कसम' (2003) या चित्रपटातून बॉलिवूडमध्ये पदार्पण केले होते. यानंतर दोघेही कॉमेडी चित्रपट 'मस्ती' (2004) मध्ये एकत्र आले. 'मिस्टर ममी' हा रितेश आणि जेनेलियाचा एकत्र चौथा चित्रपट असेल. जेनेलिया शेवटची 'इट्स माय लाइफ' (२०२०) या चित्रपटात दिसली होती.