मुंबई - ऋषी कपूर यांनी अभिनेता प्राण यांच्यासोबतचा एक जुना फोटो शेअर केलाय. ब्लॅक अँड व्हाईट असलेल्या या फोटोत ऋषी कपूर शालेय वयाचे दिसत आहेत.
हा फोटो शेअर करीत ऋषी कपूर यांनी कॅप्शनमध्ये लिहिलंय, महान प्राण साहबसोबत मॅन टू मॅन बातचित. मी यांच्यासोबत ३०-३२ चित्रपट केले आहेत. शिकण्याचा काळ.
यापूर्वीही ऋषी कपूर यांनी एक फोटो शेअर केला होता. हा फोटो एका स्त्री कलावंताचा होता आणि फोटोतील व्यक्ती ओळखण्याचे आवहान त्यांनी चाहत्यांना केले होते. हा फोटो पाहून अंदाज लावणे कठिण होते. मात्र एका जाणकाराने फोटोतील व्यक्ती अभिना प्राण असल्याचे सांगितले होते.
अमित नावाच्या युजरने प्राण यांना परफेक्ट ओळखले. त्यांनी लिहिले की फोटो जर नीट पाहिला तर लक्षात येईल की फोटोवर कुमारी प्राण असे लिहिलंय.
प्राण यांच्या भावाच्या लग्नानंतर प्राण यांनी स्त्रीवेश धारण केला आणि आपण भावाची प्रेयसी असल्याचा बहाणा केला. त्यांच्या भावाच्या पत्नीची खिल्ली उडवण्यासाठी त्यांनी हे बेमालुम वेशांतर केले होते.
अभिनेता प्राण यांनी बॉलिवूड चित्रपटांमध्ये नायक, खलनायक आणि चरित्र अभिनेता अशी चतुरस्त्र भूमिका साकारल्या होत्या. त्यांनी केलेल्या ३५० चित्रपटांपैकी २५० चित्रपटांच्या पोस्टरवर त्यांच्या नावाचा उल्लेख "...आणि प्राण" असा होता.
