'शाब्बास तेलंगाणा पोलीस', ऋषी कपूर यांनी ट्विट करून केलं अभिनंदन

ज्येष्ठ अभिनेते ऋषी कपूर यांनीदेखील पोलिसांचे अभिनंदन करत ट्विट केलं आहे.

मुंबई -हैदराबादमधील पशुवैद्यक तरुणीवर बलात्कार आणि हत्या प्रकरणातील चारही आरोपींचा आज पहाटे एन्काऊंटर करण्यात आला आहे. बऱ्याच दिवसांपासून या घटनेचे तिव्र पडसाद देशभरात पाहायला मिळाले होते. कलाविश्वातही या घटनेची चीड व्यक्त केली गेली. मात्र, आज सकाळी अधिक तपासासाठी घटनास्थळी नेत असताना आरोपींनी पळून जाण्याचा प्रयत्न केला. त्यावेळी पोलिसांकडून गोळीबार करण्यात आला. यावर ज्येष्ठ अभिनेते ऋषी कपूर यांनीदेखील पोलिसांचे अभिनंदन करत ट्विट केलं आहे.

कशी घडली होती घटना -बुधवारी रात्री रुग्णालयातून घरी जात असताना महिलेच्या गाडीचा टायर पंक्चर झाल्यामुळे त्या महामार्गावरील टोल प्लाझाजवळ थांबल्या होत्या. तेव्हा चार आरोपींनी महिलेवर बलात्कार करून त्यांचा खून केला होता. तसेच त्यांचा मृतदेह जाळला होता. शेवटी महिलेचे तिच्या बहिणीशी बोलणे झाले होते. त्यानंतर, दुसऱ्या दिवशी त्यांच्या बहिणीने त्यांच्याशी संपर्क साधण्याचा प्रयत्न केला असता, त्यांचा फोन बंद असल्याचे समजले. त्यानंतर दिवसभर शोधाशोध केल्यानंतर बुधवारी सायंकाळी बहिणीने पोलिसांमध्ये तक्रार दाखल केली होती. तक्रार दाखल केल्यानंतर पोलिसांनी २४ तासांच्या आत आरोपींना अटक केली आहे.