मुंबई -अभिनेता रणवीर सिंगच्या आगामी '८३' चित्रपटाची बऱ्याच दिवसापासून चर्चा सुरू आहे. १९८३ साली झालेल्या क्रिकेट विश्वचषकाचा थरार पुन्हा एकदा या चित्रपटातून पडद्यावर पाहायला मिळणार आहे. रणवीर या चित्रपटात कपिल देव यांची भूमिका साकारत आहे. तर, दीपिका पदुकोण ही लग्नानंतर पहिल्यांदाच त्याच्यासोबत ऑनस्क्रिन पत्नीच्या भूमिकेत दिसणार आहे. अलिकडेच या चित्रपटाची शूटिंग पूर्ण झाली आहे. या चित्रपटाच्या रॅपअप पार्टित दीपवीरने धमाल डान्स केला.
यावेळी दीपवीरने क्रिकेट खेळण्याची देखील ऍक्टिंग केली आहे. दोघांचेही फोटो आणि व्हिडिओ सोशल मीडियावर व्हायरल झाले आहेत. या पार्टीत चित्रपटाचे दिग्दर्शक कबीर खान देखील आपल्या पत्नीसोबत मिनी माथुर देखील होते.
हेही वाचा -...म्हणून रणवीरवर रागावली धोनीची मुलगी, धोनीने उलगडला किस्सा