सिध्दार्थ शुक्ला समजून 'या' अभिनेत्याला वाहिली जातेय श्रध्दांजली

गुरुवारी सकाळी निधन झालेल्या सिद्धार्थ शुक्लाच्या कुटुंबियांसाठी सोशल मीडियावर श्रद्धांजली आणि संदेशांचा ओघ सुरू आहे. मात्र काही अतिउत्साही नेटीझन्सनी सिध्दार्थ शुक्ला समजून दाक्षिणात्य अभिनेता सिध्दार्थचे फोटो श्रध्दांजलीसाठी वापरले. यामुळे सिध्दार्थ अवाक झाला

मुंबई- सिध्दार्थ शुक्लाच्या निधनानंतर सोशल मीडियावर रंग दे बसंती फेम दाक्षिणात्य अभिनेता सिध्दार्थच्या फोटोला श्रध्दांजली वाहिली जात असल्याचे निदर्शनाला आले आहे. आपल्याच फोटोला शोकसंदेश दिले जात असल्यामुळे अभिनेता सिध्दार्थ हतबल आणि निःशब्द झाला आहे.

सिध्दार्थने ट्विटरवर "R.I.P सिद्धार्थ" असे लिहिलेला फोटो शेअर केलाय. त्याने लिहिलंय, "लक्ष्य करुन छळ आणि द्वेश करणे. आम्हाला काय कमी केले गेले?"

दुसऱ्या एका ट्विट वैतागला. राजा बाबू नावाच्या एका युजरने लिहिले की, "वो सिध्दार्थ की जगह भगवान को इस सिध्दार्थ को ले जाना चाहिए था." यावर प्रतिक्रिया देताना सिध्दार्थने लिहिलंय, ''हे ट्विट आणि त्याची उत्तरे. आजकाल याचे आश्चर्य वाटत नाही. मी निःशब्द झालोय.''

तमिळ अभिनेता असलेल्या सिध्दार्थने टीव्ही स्टार सिध्दार्थ शुक्लाच्या अकाली निधनाबद्दल शोक व्यक्त केलाय. त्याने लिहिलंय, "सिद्धार्थ शुक्लाचे कुटुंब, मित्र आणि चाहत्यांसाठी खूप संवेदना."

बालिका वधू आणि बिग बॉस 13 सारख्या टीव्ही शोमध्ये झळकलेला अभिनेता सिद्धार्थ शुक्ला याचे गुरुवारी वयाच्या 40 व्या वर्षी निधन झाले. त्याला मोठ्या हृदयविकाराचा झटका आल्याचे प्राथमिक बोलले जात आहे.

हेही वाचा - Video: सिद्धार्थ शुक्लाच्या पार्थिवावर ओशिवरा स्मशानभूमीत अंत्यसंस्कार; शहनाझ गीलची प्रकृती बिघडली