अभिनेत्री प्रिती झिंटा पुन्हा पडली 'सोल्जर'च्या प्रेमात

अभिनेत्री प्रिती झिंटाने सेल्फ आयसोलेशनच्या दरम्यान सोल्जर सिनेमा पाहिल्याचे कळवले आहे. हा तिचा पहिला चित्रपट होता. यात तिची आणि बॉबी देओलची जोडी झळकली होती.

मुंबई: सेल्फ- आयसोलेशनमध्ये असलेल्या अभिनेत्री प्रीती झिंटाने बुधवारी आठवणींच्या जगातून फेरफटका मारला. "सोल्जरला कायमचे पहात आहे" असे सांगत तिने सिनेमाची एक क्लिप सोशल मीडियावर शेअर केली आहे. रोमॅन्टिक अॅक्शन सिनेमा 'सोल्जर'चा एक फोटो तिने शेअर केलाय.

''सोल्जर सिनेमा आई आणि नवऱ्यासोबत पाहात आहे. कारण आजची रात्र हिंदी मुव्ही नाईट आहे. मी आईला नकार देऊ शकत नाही.'', असे प्रितीने लिहिलंय.

आपल्याला माहिती असेल की 'सोल्जर' हा प्रितीचा पहिला चित्रपट होता. १९८८ मध्ये अलेल्या या चित्रपटाने बॉक्स ऑफिसवर कमाई केली होती. या सिनेमात तिची जोडी बॉबी देओलसोबत होती. यानंतर तिची कारकिर्द बहरत गेली.

सेशल मीडियाचा चांगला उपयोग सध्या प्रिती करताना दिसत आहे. लोकांच्यात कोरोना व्हायरस विषयी जागृती करण्याचा ती प्रयत्न करताना दिसते.

आपल्या घरातील पाळीव प्राण्यांची काळजी घेण्याचे आवाहन तिने केले होते. या मुक्या जनावरांपासून कोरोना होत नसल्याचे सांगत त्यांना सांभालण्याचे आवाहन तिने केले आहे.

आरोग्य मंत्रालयानुसार भारतात १२३८ कोरोना बाधीतांचा आकडा पोहोचला आहे. यात १३५ लोक बरे झाले असून ३५ लोक मृत्यूमुखी पडले आहेत.