मुंबई -अभिनेता कार्तिक आर्यन आणि सारा अली खान यांचा 'लव्ह आज कल २' हा चित्रपट प्रदर्शनासाठी सज्ज झाला आहे. ट्रेलरनंतर या चित्रपटातील गाणीदेखील सोशल मीडियावर हिट ठरत आहेत. या चित्रपटाच्या प्रदर्शनापूर्वीच सारा आणि कार्तिकच्या जोडीची तरुणाईत क्रेझ वाढत आहे. अशातच त्यांचा धमाल डान्स असलेले एक नवीन गाणे प्रदर्शित करण्यात आले आहे.
'लव्ह आज कल २' 'हां मै गलत' हे गाणे रिलीज झाले आहे. या गाण्याला अरिजीत सिंग आणि शास्वत यांनी स्वरबद्ध केले आहे. तर, प्रितम यांनी संगीत दिले आहे. इरशाद कामिलने या गाण्याचे बोल लिहिले आहेत. हे एक पार्टी थिम असणारे गाणे आहे. या गाण्यात सारा अली खान, कार्तिक आर्यन आणि आरुषी शर्मा यांच्या धमाल डान्स स्टेप पाहायला मिळतात.