पवन कल्याण आणि राणा दग्गुबती यांच्या 'भीमला नायक'चा हिंदी ट्रेलर रिलीज

दाक्षिणात्य चित्रपटसृष्टीतील दोन स्टार्स पवन कल्याण आणि राणा दग्गुबती यांच्या प्रमुख भूमिका असलेल्या 'भीमला नायक' या चित्रपटाचा हिंदी ट्रेलर ( Bheemla Nayak Hindi Trailer Release ) शुक्रवारी (४ मार्च) प्रदर्शित झाला आहे.

मुंबई - दाक्षिणात्य चित्रपटसृष्टीतील दोन स्टार्स पवन कल्याण आणि राणा दग्गुबती यांची मुख्य भूमिका असलेल्या 'भीमला नायक' या चित्रपटाचा हिंदी ट्रेलर ( Bheemla Nayak Hindi Trailer Release ) शुक्रवारी (४ मार्च) प्रदर्शित झाला आहे. चित्रपटाचा ट्रेलर अॅक्शन आणि दमदार दृश्यांनी भरलेला आहे. साऊथच्या चित्रपटांच्या अॅक्शन आणि स्टंट्सचेही लोक चाहते आहेत. सागर के चंद्रा दिग्दर्शित हा चित्रपट २५ फेब्रुवारीपासून चित्रपटगृहात प्रदर्शित होत आहे.

रिपोर्ट्सनुसार 'भीमला नायक'च्या निर्मात्यांनी फेब्रुवारीला हैदराबादच्या युसुफगुडा पोलिस ग्राउंडवर चित्रपटाचा प्री-रिलीज कार्यक्रम आयोजित केला होता, परंतु आंध्र प्रदेशचे मंत्री मेकापती गौतम रेड्डी यांच्या आकस्मिक निधनानंतर तो कार्यक्रम पुढे ढकलण्यात आला होता.

यानंतर चित्रपटाचा ट्रेलर शेड्यूलनुसार प्रदर्शित होईल की नाही हे देखील स्पष्ट झाले नाही. सागर के चंद्रा दिग्दर्शित, 'भीमला नायक' चित्रपटाला सेन्सॉर बोर्डाला मंजुरी दिली आहे आणि CBFC कडून UA प्रमाणपत्र मिळाले आहे. या चित्रपटात पवन कल्याण-राणा दग्गुबती मुख्य भूमिकेत दिसणार आहेत.

चित्रपटाचा रनटाइम सुमारे 141 मिनिटांचा आहे. नायिका म्हणून नित्या मेनन आणि संयुक्ता मेनन यांचा समावेश असलेला हा चित्रपट प्रसिद्ध बॅनर- सीतारा एंटरटेनमेंट अंतर्गत तयार करण्यात आला आहे.

हेही वाचा -आदित्य नारायणच्या घरी पाळणा हलणार, श्वेता अग्रवाल ने दिला मुलीला जन्म