पुणे - नाईटलाईफविषयी विचारले असता रिंकू राजगुरू म्हणाली, नाईटलाईफ आणि ते काय असतं, असं सांगत तिने आपल्याला याविषयी काहीही माहिती नसल्याचे सांगितले. दरम्यान तिच्या या उत्तराने सर्वांनाच आश्चर्यचा धक्का बसला. इतकी मोठी अभिनेत्री असून इतके दिवस मुंबईत राहून अजून नाईटलाईफविषयी माहिती नाही, असे भाव उपस्थितांच्या चेहऱ्यावर होते.
पुलण्यातील पत्रकार भवन येथे आज रिंकू राजगुरू ही आपला आगामी चित्रपट 'मेकअप' च्या प्रमोशनसाठी आली होती. यावेळी तिच्यासोबत सिनेमाचे दिग्दर्शक आणि अभिनेता चिन्मय उपस्थित होते. सैराट चित्रपटानंतर प्रकाशझोतात आलेली रिंकू संपूर्ण महाराष्ट्रात 'आर्ची' नावाने प्रसिध्द आहे. तिच्या या भूमिकेमुळे ती घराघरात पोहोचली. आगामी 'मेकअप' सिनेमाच्या निमित्ताने ती पुन्हा एकदा चर्चेत आली.