प्रियांका चोप्रापूर्वी वयाने मोठ्या असलेल्या 'या' अभिनेत्रींना डेट करत होता निक जोनास

आज निकचा २७ वा वाढदिवस आहे. प्रियांका निकपेक्षा १० वर्षाने मोठी आहे. मात्र, प्रियांकाच नाही, तर निकने तिच्याआधीदेखील वयापेक्षा मोठ्या असलेल्या अभिनेत्रींना डेट केलं आहे.

मुंबई - 'देसी गर्ल' प्रियांका चोप्रा आणि निक जोनास हे नाव आता ग्लोबल झालं आहे. ग्लोबल स्टार्स म्हणून दोघांनाही ओळखलं जातं. डिसेंबर महिन्यात प्रियांकानं निकसोबत लग्नगाठ बांधली. त्यानंतर दोघाचीही जोडी लोकप्रिय जोडी म्हणून ओळखली जाऊ लागली. आज निकचा २७ वा वाढदिवस आहे. प्रियांका निकपेक्षा १० वर्षाने मोठी आहे. मात्र, प्रियांकाच नाही, तर निकने तिच्याआधीदेखील वयापेक्षा मोठ्या असलेल्या अभिनेत्रींना डेट केलं आहे. याचा खुलासा त्यानेच एका चाट शोमध्ये केला होता.

एका माध्यमाने दिलेल्या वृत्तानुसार, डेमीची मुलगी रुमर मिल्स हिच्याद्वारे दोघांची भेट झाली होती. तिच्याशिवाय निकने त्याच्यापेक्षा ७ वर्षांनी मोठी असलेली ऑस्ट्रेलियन अभिनेत्री डेल्टा गुडरेम हिला डेट करत होता. त्यानंतर १३ वर्षांनी मोठी केट हड्सनलाही त्याने डेट केलं आहे. यामध्ये सर्वात मोठी ही प्रियांकाच आहे.

हेही वाचा-राष्ट्रीय पुरस्कार विजेते पद्मश्री वनराज भाटियांवर उपासमारीची वेळ

ग्रीसमध्ये प्रियांकाला केलं होतं प्रपोज -
निकने प्रियांकाला 'क्वांटिको'च्या सेटवर पाहिलं होतं. तिला पाहताच तो तिच्या प्रेमात पडला होता. त्याने तिचा सहकलाकार ग्राहम रोजर्सला प्रियांकासाठी संदेश पाठवला होता. 'प्रियांका खूप सुंदर आहे', असं त्याने या संदेशात लिहिलं होतं. त्यानंतर २०१७ साली त्याने प्रियांकाला सोशल मीडियावर संदेश पाठवलं होता.

प्रियांकाने तिच्या डेटविषयी सांगितलं होतं, की निक आणि ती पहिल्यांदा लॉस एंजेलिस येथे डेटवर गेले होते. त्यानंतर तिसऱ्या भेटीत त्याने गुडघ्यावर बसून तिला प्रपोज केलं होतं. प्रियांकाने अवघ्या ४५ सेकंदामध्ये निकला होकार दिला होता.

प्रियांका आणि निक यांची जोडी आज जगभर प्रसिद्ध आहे. त्याचे बरेच फोटो आणि व्हिडिओ सोशल मीडियावर व्हायरल होतात. चाहत्यांच्याही त्यांच्या फोटोवर प्रतिक्रिया येत असतात.

हेही वाचा-दुसऱ्या आठवड्यातही 'छिछोरे'ची डबल डिजीट कमाई, लवकरच गाठणार शतक