मुंबई -आदित्य रॉय कपूर, दिशा पटानी, कुणाल खेमू आणि अनिल कपूर यांची मुख्य भूमिका असलेला 'मलंग' चित्रपट लवकरच प्रेक्षकांच्या भेटीला येणार आहे. या चित्रपटातील फर्स्ट लूक अलिकडेच प्रदर्शित झाले आहेत. सर्व कलाकारांचे फर्स्ट लूक असलेले पोस्टर सोशल मीडियावर शेअर करण्यात आले आहेत. आता या चित्रपटातील आदित्य आणि दिशाचा रोमॅन्टिक लूक असलेला फोटो पोस्ट करण्यात आला आहे.
आदित्य आणि दिशाने आपल्या इन्स्टाग्राम अकाऊंटवर हा फोटो शेअर केला आहे. 'दोन जंगली आत्मा, एक प्रेम, मलंग', असे कॅप्शन त्यांनी या फोटोवर दिले आहे. ६ जानेवारीला या चित्रपटाचा ट्रेलरही प्रदर्शित केला जाणार आहे.