मुंबई - अभिनेत्री नेहा पेंडसे हिच्या लग्नाच्याबऱ्याच दिवसापासून चर्चा रंगल्या होत्या. अखेर तिने प्रसिद्ध उद्योगपती असलेल्या शार्दुल सिंगशी लग्नगाठ बांधून नव्या आयुष्याला प्रारंभ केला आहे. तिच्या संगीत आणि मेहंदी सोहळ्याच्या फोटोनंतर तिच्या लग्नाच्या फोटोंनाही चाहत्यांची पसंती मिळत आहे. लग्न म्हटले की उखाणा हा आलाच. त्यामुळे नेहाने आपल्या पतीसाठी एक ठसकेबाज उखाणा घेऊन मित्रमैत्रीणींची मने जिंकली.
'माझ्या नवऱ्याची बायको' फेम अभिनेता अभिजीत खांडकेकर याने नेहा पेंडसेच्या लग्नात हजेरी लावली होती. त्यानेच नेहाच्या उखाण्याचा हा व्हिडिओ सोशल मीडियावर शेअर केला आहे.
हेही वाचा -नेहा पेंडसेने बांधली लग्नगाठ, पुण्यात दणक्यात पार पडला विवाहसोहळा
'चांदीच्या ताटात फणसाचे गरे, शार्दुलराव आहेत बरे, पण वागतील तेव्हा खरे', असा उखाणा नेहाने यावेळी घेतला.