मुंबई - बॉलिवूडचा बादशाह शाहरुख खानच्या शिरपेचात आणखी एक मानाचा तुरा रोवला गेला आहे. मेलबर्न येथे सुरू असलेल्या 'इंडियन फिल्म फेस्टिव्हल'मध्ये शाहरुखचा 'डॉक्टरेट' पदवी देऊन सन्मान करण्यात आला आहे. त्याचे काही फोटो सोशल मीडियावर शेअर करण्यात आले आहेत.
शाहरुखने मेलबर्न येथील 'ला ट्रोब' विद्यापीठातून ही पदवी मिळवली आहे. त्याने केलेल्या सामाजिक कार्यासाठी त्याला डॉक्टरेट पदवी बहाल करण्यात आली आहे.
शाहरुखने त्याच्या आईच्या नावाने सुरू केलेल्या मीर संस्थेद्वारा सामाजिक कार्य केली आहेत. या संस्थेद्वारा तो महिला सशक्तीकरण तसेच अॅसिड हल्ल्यातील पीडितांसाठी काम करत असतो.