मुंबई - मराठी सिने नाट्य सृष्टीतील परिचित चेहरा असलेले ज्येष्ठ अभिनेते श्रीराम कोलहटकर यांचं आज सकाळी गिरगावातील राहत्या घरी निधन झालं. हृदयविकाराच्या तीव्र झटक्याने त्यांची प्राणज्योत मालवली. त्यांच्या जाण्याने एक चतुरस्त्र अभिनेता हरपल्याची भावना सिने आणि टीव्ही इंडस्ट्रीतुन व्यक्त होते आहे.
'आपला माणूस', 'एक अलबेला' आणि 'करले तू भी मोहब्बत' यांसारख्या चित्रपटातून श्रीराम कोल्हटकर यांनी आपल्या अभिनयाची दमदार छाप पाडली होती. त्यांच्या निधनामुळे कलाविश्वात शोककळा पसरली आहे. त्यांच्या 'आपला माणूस', 'एक अलबेला', 'करले तू भी मोहब्बत', 'अ डॉट कॉम मॉम', 'उंच भरारी' यातील भूमिका विशेष ठरल्या. एक चतुरस्त्र अभिनेते म्हणून ते ओळखले जात होते. 'तुझ्यात जीव रंगला' या मालिकेतही त्यांनी भूमिका साकारली होती.