मुंबई -बॉलिवूडचा दबंग स्टार सलमान खान आणि धकधक गर्ल माधुरी यांची केमेस्ट्री आजही प्रेक्षकांना आवडते. 'हम आपके है कौन', 'साजन' यांसारख्या चित्रपटातून या जोडीने चाहत्यांची मने जिंकली होती. लवकरच सलमान खान 'बिग बॉस १३' या कार्यक्रमातून प्रेक्षकांच्या भेटीला येणार आहे. माधुरी या घरात पाहुणी म्हणून भेट देणार आहे. तत्पूर्वी चित्रिकरणावेळी बिग बॉस च्या घरात तिची एन्ट्री झाल्यानंतर सलमानने तिचे खास अंदाजात स्वागत केले.
'बिग बॉस' या कार्यक्रमाबद्दल चाहत्यांमध्ये नेहमीच उत्सुकता पाहायला मिळते. त्यामुळेच या कार्यक्रमाचे मेकर्स हा कार्यक्रम अधिकाधिक मनोरंजक बनवण्यासाठी वेगवेगळ्या ट्रिक्स वापरतात. बिग बॉसचा एक प्रोमो सध्या सोशल मीडियावर व्हायरल झाला आहे. या प्रोमोमध्ये माधुरीची खास झलक पाहायला मिळते.
हेही वाचा -चाहतीनं गुडघ्यावर बसून प्रपोज केल्यानंतर कार्तिकनं केलं असं काही, पाहा व्हिडिओ