मुंबई -अभिनेता कुणाल खेमू लवकरच आगामी 'लूटकेस' चित्रपटातून प्रेक्षकांच्या भेटीला येणार आहे. या चित्रपटाची घोषणा काही महिन्यांपूर्वीच करण्यात आली होती. लूटमारीवर आधारित कॉमेडी असेलल्या या चित्रपटाचं नुकतंच टीजर पोस्टर प्रदर्शित झालं आहे. या पोस्टरवरुन कुणाल खेमू 'लूटकेस'च्या प्रेमात पडल्याचं पाहायला मिळतं.
'लूटकेस' चित्रपटात कुणाल खेमूसोबत रसिका दुग्गल, गजराज राव, रणवीर शौरी आणि विजय राज अशी स्टारकास्ट झळकणार आहे. राजेश क्रिश्नन या चित्रपटाचं दिग्दर्शन करत आहेत. तर, फॉक्स स्टार स्टूडिओअंतर्गत या चित्रपटाची निर्मिती करण्यात येत आहे.
हेही वाचा -अनुष्काने टिपले विराटच्या चेहऱ्यावरचे हावभाव, पाहा फोटो
चित्रपट समीक्षक तरण आदर्श यांनी या चित्रपटाचं पोस्टर शेअर केलं आहे. कुणाल खेमूनेही या चित्रपटाचं पोस्टर सोशल मीडियावर शेअर केलं आहे. 'बस एक सुटकेस चाहिये आशिकी के लिये', असं मजेदार कॅप्शनही त्याने या फोटोवर दिलं आहे. 'आशिकी' चित्रपटाच्या पोस्टरप्रमाणेच 'लूटकेस'चं हे पोस्टर असल्याचं पाहायला मिळतं.
हेही वाचा -बॉयफ्रेंड शार्दूलच्या स्थूलतेची खिल्ली उडवणाऱ्यांना नेहा पेंडसेने असे फटकारले
या पोस्टरपूर्वी कुणालचा आणखी एक व्हिडिओ देखील समोर आला होता. या व्हिडिओमध्ये त्याने एक प्रेमपत्र लिहिलं होतं. त्यामुळे त्याचं हे प्रेमपत्र त्याच्या 'लूटकेस'साठीच लिहिलं असल्याचा अंदाज येतो.
११ ऑक्टोंबरला हा चित्रपट प्रदर्शित होईल.
हेही वाचा -'हाऊसफुल्ल ४'च्या पोस्टरसाठी अक्षयचे चाहते आतुर, ट्विटवर करतायेत 'ही' मागणी
