मुंबई - 'द कपिल शर्मा शो'मध्ये पुन्हा एकदा एका जुन्या पात्राची एन्ट्री झाली आहे. सोनी टीव्हीच्या ट्विटरवरुन याची माहिती देण्यात आलीय. यापूर्वी 'द कपिल शर्मा शो' शोमध्ये किकू शारदा या अभिनेत्याने 'बंपर' या नर्सची भूमिका साकारली होती. मात्र अलीकडे या पात्राला शोमध्ये स्थान नव्हते. तो बच्चा यादवची व्यक्तीरेखा साकारायचा. परंतु बंपरची पुन्हा एन्ट्री झाल्याने कॉमेडीला नवा तडका मिळणार आहे.
'दि स्काय इज पिंक' या आगामी चित्रपटाच्या प्रमोशनसाठी अभिनेत्री प्रियंका चोप्रा शोमध्ये आली होती. याच्या प्रमोशन व्हिडिओमध्ये किकू शारदा बंपरच्या वेशभूषेत धमाल करताना दिसतो. शोमध्ये परतताच या बंपरने कपिल शर्माची अशी काही फिरकी घेतली की हास्याचे फवारे उमटले.