मुंबई - 'केजीएफ' स्टार यशने अलिकडेच त्याची मुलगी 'आयरा'चा एक क्यूट व्हिडिओ चाहत्यांसाठी शेअर केला आहे. त्याची मुलगी अवघ्या ९ महिन्यांची आहे. यश नेहमी तिचे फोटो आणि व्हिडिओ सोशल मीडियावर शेअर करत असतो. डिसेंबर महिन्यात तिचा पहिला वाढदिवस आहे. त्यापूर्वी यशने तिच्यासोबतचा एक व्हिडिओ शेअर केला आहे. या व्हिडिओमध्ये ती यशसोबत धमाल मस्ती करताना पाहायला मिळते.
यश आणि राधिका पंडित यांनी २०१६ साली लग्नगाठ बांधली होती. दोघांचीही भेट २००७ साली एका जाहिरातीदरम्यान झाली होती. अनेक वर्ष एकमेकांना डेट केल्यानंतर दोघांनी लग्नगाठ बांधली.