'दोस्ताना'च्या सिक्वेलमध्ये कार्तिक-जान्हवीसोबत झळकणार 'हा' नवा चेहरा

दिग्दर्शक करण जोहर या चित्रपटाचा सिक्वेल तयार करत आहेत. आता या सिक्वेलमध्ये अभिनेता कार्तिक आर्यन आणि जान्हवी कपूर यांची वर्णी लागली आहे.

मुंबई -जॉन अब्राहम, अभिषेक बच्चन आणि प्रियांका चोप्रा यांच्या 'दोस्ताना' चित्रपटाचा सिक्वेल लवकरच प्रेक्षकांच्या भेटीला येणार आहे. दिग्दर्शक करण जोहर या चित्रपटाचा सिक्वेल तयार करत आहेत. आता या सिक्वेलमध्ये अभिनेता कार्तिक आर्यन आणि जान्हवी कपूर यांची वर्णी लागली आहे. आता त्यांच्यासोबत टीव्हीवरचा एक नवा चेहरा झळकणार आहे.

टीव्हीस्टार लक्ष्य हा 'दोस्ताना'च्या सिक्वेलमध्ये भूमिका साकारणार आहे. धर्मा प्रोडक्शनच्या ४ प्रोजेक्टमध्ये त्याची वर्णी लागली आहे. यामध्ये वेबसीरिजचाही समावेश आहे.

चित्रपट समीक्षक तरण आदर्श यांनी याबाबतची अधिकृत माहिती सोशल मीडियावर शेअर केली आहे.