मुंबई - बॉलिवूडची क्विन कंगना रनौत पुन्हा एकदा 'पंगा' घेण्यासाठी सज्ज झाली आहे. चित्रपटाच्या फर्स्ट लूकनंतर प्रेक्षकांना या चित्रपटाच्या ट्रेलरची आतुरता होती. नुकताच या चित्रपटाचा ट्रेलर प्रदर्शित करण्यात आला आहे.
कंगना रनौत या चित्रपटात कबड्डी खेळाडुच्या भूमिकेत दिसणार आहे. एकेकाळी कब्बडी चॅम्पियन असलेली महिला लग्न झाल्यानंतर घर-संसारात रमलेली असते. मात्र, अचानक तिला पुन्हा तिच्या अस्तित्वाची जाणीव होते. यासाठी तिला तिचा पती आणि मुलाचीही साथ लाभते. वयाच्या ३२ व्या वर्षी पुन्हा देशासाठी ती कब्बडी खेळण्यासाठी सज्ज होते. तिचा हा प्रवास 'पंगा'च्या माध्यमातून पडद्यावर उलगडणार आहे.
हेही वाचा -'या' स्थानकात तिकीट वाटप करून कंगनाचे 'पंगा' प्रमोशन