मुंबई -अभिनेत्री कंगना रनौत नेहमी तिच्या वादग्रस्त वक्तव्यांमुळे चर्चेत असते. बॉलिवूडमधील कोणत्या ना कोणत्या कलाकारावर ती निशाणा साधत असते. मात्र, यावेळी तिने पत्रकारांनाच थेट आव्हान दिले आहे. कंगनाची बहीण रंगोली चंडेल हिच्या ट्विटर अकाऊंटवरून कंगनाचा एक व्हिडिओ शेअर करण्यात आला आहे.
काही दिवसांपूर्वीच तिने 'जजमेंटल है क्या' चित्रपटाच्या 'वखरा' गाण्याच्या लॉन्चिंगदरम्यान तिचा पत्रकांरांशी वाद झाला होता. या वादानंतर तिने एकतर पत्रकारांची माफी मागावी नाहीतर तिच्यावर पत्रकार संघटनेतर्फे बहिष्कार टाकण्यात येईल, अशी भूमिका पत्रकार संघटनेनी घेतली होती. मात्र, कंगनाने व्हिडिओद्वारे पत्रकारांना देशद्रोही आणि बिकाऊ, असे म्हटले आहे.
या व्हिडिओत कंगना चांगलीच भडकलेली दिसत आहे. तिने यामध्ये म्हटलेय, की 'मी काही समाजसेवेची कामे केली आहेत, त्याची दखल या पत्रकारांनी न घेता त्याची खिल्ली उडवली. स्वत:ला लिबरल सेक्युलर म्हणवणारे हे पत्रकार ढोंगी आणि बिकाऊ आहेत, असे ती म्हणाली आहे.