भावाच्या लग्नात कांगडी गाण्यावर मनसोक्त थिरकली कंगना राणौत

कंगना राणौतचा एक व्हिडिओ सोशल मीडियावर खूप व्हायरल होत आहे. या व्हिडिओत कंगना तिच्या वहिनीसोबत डांस करताना दिसून येत आहे.

मंडी (हिमाचल प्रदेश) - बॉलीवूड अभिनेत्री कंगना राणौतचा भाऊ अक्षत याचे लग्न नुकतेच पार पडले. कंगना तिच्या भावाच्या लग्नात खूप एंजॉय करताना दिसून आली. कंगनाने हळदी समारंभ, संगीत आणि लग्नातील सर्व फोटो तिच्या इंस्टाग्राम अकाऊंटवर शेअर केले आहेत. नुकताच कंगनाचा एक व्हिडिओ खूप व्हायरल होत आहे. यामध्ये ती तिच्या वहिनीसोबत डांस करताना दिसून येत आहे.

कंगानाला आवडतात लोकसंगीत -

या व्हिडिओला कंगनाने तिच्या ट्विटर अकाऊंटवर शेअर केला आहे. या व्हिडिओत कंगना साडी आणि हिमाचली शॉल आणि टोपी घालून दिसून येत आहे. व्हिडिओ शेअर करताना कंगनाने लिहिलंय की, मला कोणत्याही परंपरेचे लोकसंगीत खूप आवडते. हे कांगडी गाणं असून ते एका पहाडी कलाकाराने माझ्या भावाच्या लग्नात गायलं होतं.

व्हिडिओतील गाण्याचा अर्थ -

एक महिला तिच्या आईप्रती प्रेम व्यक्त करत आहे, एवढा सोपा या गाण्याचा अर्थ आहे. कंगनाच्या या व्हिडिओला आतापर्यंत ४ लाखांपेक्षाही जास्त वेळा बघितले गेले आहे. याशिवाय कंगनाचा एक व्हिडिओ खूप व्हायरल झाला होता. त्यामध्ये ती बहीण रंगोलीसोबत डांस करताना दिसून आली होती.

कामाबद्दल बोलायचे झाल्यास कंगनाने थलायवी या चित्रपटाचे शुटींग पूर्ण केले आहे. या चित्रपट तामिळनाडूच्या पूर्व मुख्यमंत्री जयललिता यांच्या जीवनावर आधारित आहे. याशिवाय तिने तेजस चित्रपटासाठी तयारी पूर्ण केली आहे. या चित्रपटात ती वायूसेनेच्या अधिकाऱ्याच्या भूमिकेत दिसणार आहे.