मुंबई- विद्युत जामवाल लवकरच 'जंगली' चित्रपटातून प्रेक्षकांच्या भेटीला येणार आहे. या चित्रपटात विद्युत एका महत्वपूर्ण भूमिकेत दिसणार आहे. काही दिवसांपूर्वीच या चित्रपटाचा ट्रेलर प्रदर्शित झाला होता. ज्यात विद्युत जबरदस्त स्टंट साकारताना दिसत होता. आता या चित्रपटातील एक नवे पोस्टर प्रदर्शित करण्यात आले आहे.
'जंगली' चित्रपटात विद्युतचे हत्तीसोबतचे असलेले घनिष्ठ नाते उलगडण्यात येणार आहे. त्यामुळे चित्रपटाच्या या नव्या पोस्टरमध्ये विद्युतसोबतच या हत्तीची झलकही प्रेक्षकांना पाहायला मिळत आहे. यासोबतच चित्रपटाच्या रिलीज डेटमध्येही बदल करण्यात आला आहे. याआधी हा चित्रपट ५ एप्रिलला प्रदर्शित होणार होता. मात्र, आता या तारखेत बदल करण्यात आला आहे.