'बाईकवेडा जॉन', पाहा त्याच्या महागड्या गाड्यांचं कलेक्शन

जॉनला बाईकचं प्रचंड वेड आहे. आपल्या वेगवेगळ्या बाईकचा एक व्हिडिओ त्याने सोशल मीडियावर शेअर केला आहे.

मुंबई -बॉलिवूड कलाकार आपल्या अभिनयासोबत आपल्या स्टाईल स्टेटमेंटसाठीही लोकप्रिय असतात. बरेच कलाकार आपल्या आवडीनिवडी जपत असतात. यामध्ये अभिनेता जॉन अब्राहम देखील आहे. जॉनला बाईकचं प्रचंड वेड आहे. आपल्या वेगवेगळ्या बाईकचा एक व्हिडिओ त्याने सोशल मीडियावर शेअर केला आहे.

यामध्ये कावासाकी निन्जा ZX-14 R (Kawasaki Ninja ZX-14 R) पासून ते एप्रीलिया RSV4 RF (Aprilia RSV4 RF) अशा महागड्या गाड्यांचा समावेश आहे. याव्यतिरिक्त जॉनने नुकतीच यामाहाची the YFZ-R1 ही बाइक घेतली आहे. तसेच व्हिडीओमध्ये Ducati Panigale V4, MV Agusta F3 800, वी-मॅक्स या स्टायलिश गाड्या देखी पाहायला मिळतात.

वर्कफ्रंटबाबत सांगायचं तर, जॉनचा यावर्षी 'बाटला हाऊस' हा चित्रपट प्रदर्शित झाला होता. त्यानंतर 'पागलपंती' या चित्रपटातूनही तो अलिकडेच प्रेक्षकांच्या भेटीला आला. या चित्रपटाला प्रेक्षकांचा संमीश्र प्रतीसाद मिळत आहे. पुढच्या वर्षी तो 'सत्यमेव जयते २' या चित्रपटातून प्रेक्षकांच्या भेटीला येणार आहे.