मुंबई - राजकारणात आपल्या व्यक्तीमत्वाच्या जोरावर राजकीय समीकरणं बदलणारे शरद पवार यांची अमोघ अशी वक्तृत्व शैली सर्वांनीच अनुभवली आहे. विधानसभा निवडणुकीदरम्यान शरद पवार यांचे सातारा येथील भर पावसात केलेले भाषण प्रचंड गाजले. त्यांची एक क्लिप सोशल मीडियावर मोठ्या प्रमाणात व्हायरल झाली होती. मात्र, त्याचवेळी अनेकांनी त्यांना ट्रोल करण्यास सुरूवात केली होती. या प्रकारावर अभिनेता जितेंद्र जोशी यांने आपला तीव्र संताप व्यक्त केला आहे.
राष्ट्रवादी काँग्रेसचे अध्यक्ष शरद पवारांच्या व्हिडिओवर आरे तुरे शब्दात प्रतिक्रिया देणाऱ्या ट्रोलर्सला जितेंद्रने खडे बोल सुनावले आहेत. आपल्या 'दोन स्पेशल' या कार्यक्रमात त्याने आपला संताप व्यक्त केला. या कार्यक्रमात अभिनेता सुबोध भावे आणि सुमीत राघवन यांनी हजेरी लावली होती. त्यांच्याशी संवाद साधताना जितेंद्रने शरद पवार यांना एकेरी बोलणाऱ्या ट्रोलर्सविषयी चीड व्यक्त केली.
हेही वाचा -'किंग खान'च्या वाढदिवसाचं दुबईत जंगी सेलिब्रेशन, बुर्ज खलिफावर झळकलं नाव