मुंबई - 'धडक' चित्रपटातून प्रसिद्धी झोतात आलेल्या ईशान खट्टरची बॉलिवूडमध्ये चांगली ओळख निर्माण झाली आहे. मात्र, ईशानने 'धडक' चित्रपटापूर्वी 'बियॉन्ड द क्लॉऊड्स' या चित्रपटातून बॉलिवूडमध्ये पदार्पण केले होते. या चित्रपटात त्याने एक महत्वपूर्ण भूमिका साकारली होती. आता हा चित्रपट चीनमध्ये प्रदर्शित होणार आहे.
'बियॉन्ड द क्लॉऊड्स' या चित्रपटाचे दिग्दर्शन मजीद मजीदी यांनी केले होते. २४ मे रोजी हा चित्रपट चीनमध्ये प्रदर्शित होणार आहे. विशेष म्हणजे याच दिवशी श्रीदेवी यांचा शेवटचा चित्रपट 'मॉम' देखील प्रदर्शित होणार आहे.