मुंबई -बॉलिवूड अभिनेता इरफान खान कॅन्सरवर उपचार घेऊन भारतात परतला आहे. बऱ्याच काळापासून तो पडद्यापासून दुर होता. मात्र, आता तो लवकरच प्रेक्षकांच्या भेटीला येत आहे. त्याच्या आगामी 'अंग्रेजी मीडियम' या चित्रपटाच्या शूटिंगमध्ये तो सध्या व्यग्र आहे. अलिकडेच या चित्रपटाच्या प्रदर्शनाची तारीख जाहीर करण्यात आली आहे.
'अंग्रेजी मीडियम' हा चित्रपट 'हिंदी मीडियम'चा सिक्वेल आहे. या चित्रपटा करिना कपूर खानदेखील झळकणार आहे. दोघेही एकत्र या चित्रपटात दिसणार असल्यामळे चाहत्यांनाही या चित्रपटाची आतुरता आहे. पुढच्या वर्षी २० मार्चला हा चित्रपट प्रदर्शित होणार आहे.
होमी अदजानिया हे या चित्रपटाचे दिग्दर्शन करत आहे. करिना कपूर आणि इरफान खान व्यतिरिक्त डिंपल कपाडिया आणि राधिका मदन या दोघीही या चित्रपटात झळकणार आहेत.