मुंबई- बॉलिवूडचा प्रसिद्ध अभिनेता इरफान खान गेल्या काही दिवसांपासून कॅन्सरसारख्या आजाराशी झुंज देत होता. परदेशातून उपचारांनंतर तो भारतात परतला आणि लवकरच कामालाही सुरूवात करणार असल्याचे म्हटले जात आहे. नुकतेच एअरपोर्टवर दिसलेल्या इरफानने आपला चेहरा दाखवण्यास नकार दिला आहे.
इरफान खान विमानतळावर दिसताच माध्यामांचे आणि चाहत्यांचे कॅमेरे त्याची एक झलक कॅप्चर करण्याची वाट पाहत होते. मात्र, इरफानने आपला चेहरा दाखवण्यास नकार दिला. त्याच्या या विनंतीनंतर माध्यमांनेही त्याचा केवळ पाठमोरा फोटो घेतला.