जयललिता यांच्या बायोपिकसाठी कंगना रनौत 'अशी' करतेय तयारी, पाहा फोटो

हॉलिवूडचे सुप्रिद्ध मेकअप आर्टिस्ट जेसन कोलिन्स हे कंगनाच्या लूकवर मेहनत घेत आहेत. हा लूक साकारण्यासाठी कशाप्रकारे मेहनत घ्यावी लागतेय, याचे काही फोटो सोशल मीडियावर व्हायरल झाले आहेत.

मुंबई - बॉलिवूडची 'क्विन' कंगना रनौत लवकरच जयललिता यांच्या बायोपिकमध्ये झळकणार आहे. या चित्रपटाचं शिर्षक तमिळमध्ये 'थलायवी' तर, हिंदीमध्ये 'जया' असे असणार आहे. जयललिता यांचा लूक साकारण्यासाठी कंगना सध्या लॉस ऐंजेलिस येथे गेली आहे. हा लूक साकारण्यासाठी कशाप्रकारे मेहनत घ्यावी लागतेय, याचे काही फोटो सोशल मीडियावर व्हायरल झाले आहेत.

हॉलिवूडचे सुप्रिद्ध मेकअप आर्टिस्ट जेसन कोलिन्स हे कंगनाच्या लूकवर मेहनत घेत आहेत. त्यांनी यापूर्वी 'कॅप्टन मार्व्हल', 'ब्लेड रनर २०४९' आणि 'हंगर गेम्स' यांसारख्या चित्रपटांसाठी मेकअप आर्टिस्ट म्हणून काम केले आहे. आता ते जयललिता यांच्या बायोपिकचा लूक तयार करत आहेत.

हेही वाचा -IIFA Awards 2019: ग्रीन कार्पेटवर बॉलिवूड कलाकारांचा जलवा

कंगनाच्या टीमकडून तिचे काही फोटो सोशल मीडियावर शेअर करण्यात आले आहेत. या लूकसाठी खूप उत्साही असल्याचं कंगनानं म्हटलं आहे. तर, अशाप्रकारचा अनुभव माझ्यासाठी खूप खास असल्याचंही तिन म्हटलं आहे. कंगनाची बहिण रंगोली चंडेल हिनेही तिचे फोटो शेअर केले आहेत.

मैसूर येथे या चित्रपटाच्या शूटिंगला सुरुवात होणार आहे. विष्णू इंदुरी आणि शैलेश सिंग हे या चित्रपटाची निर्मिती करत आहे. तमिळ, तेलुगू आणि हिंदी या भाषांमध्ये हा चित्रपट प्रदर्शित होणार आहे.

हेही वाचा -हृतिक विरुद्ध टायगर: 'वॉर'च्या प्रमोशनसाठी वापरला हटके फंडा