मुंबई -अभिनेता हृतिक रोशन आणि टायगर श्रॉफ यांच्या 'वॉर' चित्रपटाची बऱ्याच दिवसापासून चर्चा पाहायला मिळते. या चित्रपटात अभिनेत्री वाणी कपूर ही देखील झळकणार आहे. काही दिवसांपूर्वीच 'वॉर'चा ट्रेलर प्रदर्शित झाला होता. आता या चित्रपटातलं पहिलं गाणं प्रेक्षकांच्या भेटीला आले आहे. 'घुंगरू टुट गये' असे या गाण्याचे बोल आहेत.
'घुंगरू' गाण्यात वाणीचा अत्यंत हॉट अंदाज पाहायला मिळतो. याशिवाय हृतिकसोबतची तिची रोमॅन्टिक केमेस्ट्री देखील चाहत्यांना भुरळ घालते. दोघेही पहिल्यांदाच पडद्यावर एकत्र झळकणार आहेत. अरिजीत सिंग आणि शिल्पा राव यांनी या गाण्याला आवाज दिला आहे. तर, विशाल आणि शेखरच्या जोडीने या गाण्याला संगीत दिलं आहे.