मुंबई - बॉलिवूडचा सुप्रसिद्ध गायक, संगीतकार आणि अभिनेता असलेल्या हिमेश रेशमिया सध्या त्याच्या 'हॅप्पी, हार्डी अँड हिर' या चित्रपटामुळे चर्चेत आहे. काही दिवसांपूर्वीच त्याचं राणू मंडल यांच्यासोबतचं 'तेरी मेरी कहाणी' हे गाणं सुपरहिट झालं. आता पुन्हा एकदा त्याने या चित्रपटातील एका नव्या गाण्याला संगीतबद्ध केलं आहे. या गाण्यातही राणू मंडलसोबत उदित नारायण, हिमेश रेशमिया आणि पायल देव यांच्या आवाजाची झलक ऐकायला मिळणार आहे.
हिमेशने या गाण्याच्या रेकॉर्डिंगदरम्यानचा व्हिडिओ सोशल मीडियावर शेअर केला होता. या व्हिडिओमध्ये सर्व कलाकारांच्या आवाजाची जादू अनुभवायला मिळते. हिमेशचा हा व्हिडिओ गायिका नेहा कक्करनेही तिच्या इन्स्टाग्रामवर शेअर केला आहे. या गाण्याची प्रशंसा करून तिने हिमेशच्या 'हॅप्पी, हार्डी अँड हिर' या चित्रपटाला शुभेच्छा दिल्या आहेत.