मुंबई - रोहित शेट्टीच्या आगामी 'सूर्यवंशी' चित्रपटाची बऱ्याच दिवसापासून चर्चा सुरू आहे. मागच्या वर्षी प्रदर्शित झालेल्या 'सिंबा' चित्रपटातच 'सूर्यवंशी'ची झलक पाहायला मिळाली होती. रोहित शेट्टीच्या 'सिंघम' नंतर 'सिंबा' चित्रपटानेही प्रेक्षकांची तुफान पसंती मिळवली होती. कॉप ड्रामा असलेल्या या दोन्ही चित्रपटानंतर आता 'सूर्यवंशी' चित्रपटातून 'सिंघम' आणि 'सिंबा'ची खास एन्ट्री पाहायला मिळणार आहे.
'सिंबा' चित्रपटाला १ वर्ष पूर्ण झाले आहे. त्यामुळे रोहित शेट्टीने एक व्हिडिओ पोस्ट करून 'सूर्यवंशी' चित्रपटाच्या प्रदर्शनाची तारीख जाहीर केली आहे. पुढच्या वर्षी मार्च महिन्यात २७ तारखेला हा चित्रपट प्रदर्शित होणार आहे. अभिनेता अक्षय कुमार यामध्ये मुख्य भूमिकेत आहे. तर, अजय देवगन आणि रणवीर सिंग यांचीदेखील भूमिका यामध्ये पाहायला मिळणार आहे.