मुंबई- मराठी सिनेसृष्टीतला हँडसम हंक गश्मीर महाजनी आणि अभिनेत्री पूजा सावंत दोघेही लवकरच 'बोनस' चित्रपटात एकत्र झळकणार आहेत. या चित्रपटाच्या निमित्ताने दोघेही पहिल्यांदाच एकमेकांसोबत भूमिका साकारताना दिसणार आहेत. पूजा सावंत यामध्ये कोळीण दाखवली आहे. त्यामुळे गश्मीर महाजनी आणि पूजाने कोळीवाड्यात धमाल बाईक राईड केली आहे. गश्मीरने त्यांच्या बाईक राईडचा व्हिडिओ सोशल मीडियावर शेअर केला आहे.
'बोनस' हा एका अशा मुलाचा आनंदप्रवास आहे की आपल्या वाट्याचे चांगले प्रसंग जगाबरोबर शेअर करताना त्याचे आयुष्य बदलून जाते आणि त्याच्या धारणाही संपूर्णपणे बदलून जातात. यामध्ये पूजा सावंत ही गश्मीरच्या प्रेयसीच्या भूमिकेत दिसणार आहे. तिचा फर्स्ट लुकही काही दिवसांपूर्वीच प्रदर्शित झाला आहे.
हेही वाचा -'व्हॅलेंटाईन डे'ला शिव - वीणा चाहत्यांना देणार खास सरप्राईझ, पाहा झलक