मुंबई - बॉलिवूड अभिनेता वरुण धवन आणि श्रद्धा कपूर यांची मुख्य भूमिका असलेला 'स्ट्रीट डान्सर थ्रीडी' हा चित्रपट लवकरच प्रेक्षकांच्या भेटीला येत आहे. 'एबीसीडी' चित्रपटाचाच हा तिसरा भाग आहे. रेमो डिसुजा हे या चित्रपटाचे दिग्दर्शन करत आहे. चित्रपटाचा ट्रेलरही लवकरच प्रदर्शित केला जाणार आहे. त्यापूर्वी यातील कलाकारांचे फर्स्ट लूक समोर आले आहेत.
वरुण धवन, श्रद्धा कपूर, प्रभू देवा आणि नोरा फतेही यांचे फर्स्ट लूक सोशल मीडियावर शेअर करण्यात आले आहेत. त्यांच्या लूकवरून या चित्रपटात डान्सची जबरदस्त स्पर्धा रंगणार असल्याचा अंदाज येतो.