मुंबई -बॉलिवूडचे आघाडीचे दिग्दर्शक संजय लीला भन्साळी पंतप्रधान नरेंद्र मोदी यांच्या आयुष्यावर चित्रपट तयार करत आहेत. 'मन बैरागी' असं या चित्रपटाचं नाव आहे. आज पंतप्रधान मोदींच्या ६९ व्या वाढदिवसानिमित्त या चित्रपटाच्या पोस्टरचं अनावरण करण्यात आलं आहे. अभिनेता अक्षय कुमारने हे पोस्टर त्याच्या ट्विटर अकाऊंटवर शेअर केलं आहे.
पंतप्रधान नरेंद्र मोदी यांच्या जीवनावर आधारित 'पीएम मोदी' हा बायोपिक काही महिन्यांपूर्वीच प्रेक्षकांच्या भेटीला आला होता. अभिनेता विवेक ओबेरॉयने या चित्रपटात मोदींची भूमिका साकारली होती. मात्र, आता संजय लीला भन्साळी हे देखील त्यांच्या आयुष्यावर आधारित चित्रपट तयार करत आहेत.
हेही वाचा-पंतप्रधान मोदींच्या जीवनावर चित्रपट साकारणार संजय लीला भन्साळी