'भुज : द प्राईड ऑफ इंडिया'त स्क्वाड्रन लिडर बनला अजय देवगण, फर्स्ट लूक प्रसिध्द

देवगणचा आगामी चित्रपट 'भुज : द प्राईड ऑफ इंडिया'मधील फर्स्ट लूक प्रसिध्द झाला आहे. यात तो भारतीय नौसेनेचा स्क्वाड्रन लिडर विजय कर्णिक यांची भूमिका साकारणार आहे.

मुंबई - अभिनेता अजय देवगणचा आगामी 'भुज : द प्राईड ऑफ इंडिया' चित्रपटातील डॅशिंगलूक रिलीज झाला आहे. यात अजय स्क्वाड्रन लिडरची भूमिका साकारणार आहे. अजयच्या मागे धुसर फायटर जेटही दिसत आहे.

ट्रेड अॅनालिस्ट तरण आदर्श यांनी आपल्या ट्विटर हँडवर फोटो शेअर करीत लिहिलंय, 'फर्स्ट लुक... #अजय देवगन #भुजः द प्राइड ऑफ इंडिया मध्ये... अभिषेक दुधाइया द्वारा दिग्दर्शित... १४ऑगस्ट २०२० ला रिलीज.'

अजय देवगणच्या चाहत्यांसाठी 'भुज : द प्राईड ऑफ इंडिया' हा चित्रपट पर्वणी ठरणार आहे. 'तानाजीः द अनसंग वॉरियर' हा अजयचा आगामी चित्रपट १० जानेवारीला रिलीज होतोय. त्याच्या पाठोपाठ नव्या सिनेमाची घोषणा झाल्यामुळे नव्या वर्षात दोन मोठे धमाके करायला अजय देवगण सज्ज झालाय.