हैदराबाद - सामंथा अक्किनेनी हिने अलीकडेच तिरुमाला मंदिरात देव दर्शन घेतले. दर्शन घेतल्यानंतर अभिनेत्री तिरुमाला मंदिराच्या आवारातून बाहेर येत होती. यादरम्यान, एका पत्रकाराने तिला नागा चैतन्यापासून विभक्त होण्याच्या अफवांवर प्रतिक्रिया विचारली. या दरम्यान, अभिनेत्री तेलुगूमध्ये म्हणाली, 'गुडिकी वचनू, बुद्धी उंड (मी एका मंदिरात आलो आहे, तुला समजत नाही का?)'. असे म्हणत अभिनेत्रीने डोक्याकडे उंगली निर्देश केला, तिने तिच्या कपाळावर टिळा लावला होता.
सामंथा आणि नागा चैतन्यात बिनसल्याच्या अफवा
सामंथा आणि तिचा पती नागा चैतन्या यांच्यात पटत नसल्याच्या उफवांना ऊत आला आहे. सासरे नागार्जुनच्या वाढदिवसाला ती हजर नव्हती. तेव्हापासून माध्यामातून याबद्दल बातम्या येऊ लागल्या. दरम्यान, सामंथाने तिच्या सोशल मीडिया अकाऊंटवरून अक्कीनेनी आडनाव काढून टाकले व सामंथा एस असे केले. फिल्म कॉम्पॅनियनला दिलेल्या मुलाखतीत याबद्दल विचारले असता, तिने याबद्दल काहीही बोलण्यास नकार दिला होता.
टीका झाल्यानंत मौन बाळगण्याचा आहे सामंथाचा स्वभाव
सामंथा म्हणाली, 'गोष्ट अशी आहे की, द फॅमिली मॅन किंवा त्यासाठी ट्रोलिंग करूनही, मी त्याच्यावर प्रतिक्रिया दिली नाही. मी नेहमी अशीच आहे. या प्रकारच्या गदारोळावर मी प्रतिक्रिया देत नाही आणि तसा करण्याचा माझा हेतूही नाही.'
नागा चैतन्यच्या 'लव्ह स्टोरी'चा ट्रेलर लाँच