मुंबई - बॉलिवूडमध्ये एकाच दिवशी एकापेक्षा अधिक चित्रपट प्रदर्शित होण्याचे प्रमाण सध्या वाढले आहे. बऱ्याचदा बिग बजेट असलेले चित्रपटही एकाच दिवशी प्रदर्शित होतात. त्यामुळे चित्रपटाच्या व्यवसायावरही परिणाम होताना दिसतो. त्यामुळे इमरान हाश्मी आणि अमिताभ बच्चन यांची मुख्य भूमिका असलेल्या 'चेहरे' चित्रपटाच्या प्रदर्शनाची तारीख बदलवण्यात आली आहे.
अमिताभ बच्चन आणि इमरान हाश्मी यांच्या 'चेहरे' चित्रपटाचा फर्स्ट लुक बऱ्याच दिवसांपूर्वी प्रदर्शित झाला आहे. त्यानंतर वारंवार या चित्रपटाच्या प्रदर्शनाच्या तारखेत बदल करण्यात आला. त्यामुळे प्रेक्षकांना या चित्रपटाच्या ट्रेलरचीही प्रतिक्षा करावी लागत आहे. अशातच अमिताभ बच्चन आणि आयुष्मान खुराना यांचा 'गुलाबो सिताबो' हा चित्रपटही 'चेहरे' चित्रपटाच्या शर्यतीत उतरला होता. त्यामुळे या दोन चित्रपटांमध्ये बॉक्स ऑफिसवर टक्कर पाहायला मिळणार होती.
हेही वाचा -अमिताभ बच्चन यांच्या 'झुंड' चित्रपटाचा धमाकेदार टीझर प्रदर्शित