मुंबई -टीव्ही क्षेत्रातील आघाडीची निर्माती म्हणून ओळखली जाणारी एकता कपूर आणि बॉलिवूडमधील आघाडीचे निर्माते भूषण कुमार दोघेही एका चित्रपटासाठी एकत्र आले आहेत. २०१४ साली प्रदर्शित झालेला 'एक विलन' या चित्रपटाचा सिक्वेल तयार करण्यात येणार आहे. एकता कपूर आणि भूषण कुमार एकत्र मिळून या चित्रपटाची निर्मिती करणार आहेत.
मोहित सुरीचे दिग्दर्शन असलेला 'एक विलन' हा चित्रपट २०१४ साली प्रदर्शित झाला होता. यामध्ये श्रद्धा कपूर, रितेश देशमुख आणि सिद्धार्थ मल्होत्रा यांची मुख्य भूमिका पाहायला मिळाली होती. रितेशने यामध्ये विलनची भूमिका साकारली होती. या चित्रपटाच्या कथेसोबतच चित्रपटातील गाणी देखील सोशल मीडियावर हिट ठरली होती. आजही या गाण्यांची क्रेझ पाहिली जाते.
हेही वाचा -विकी कौशलचा 'भूत' चित्रपटातील थरारक लुक, 'या' दिवशी होणार प्रदर्शित