यूट्यूब चॅनेलच्या माध्यमातून दिशा पटाणी देणार फिटनेस फंडे, शेअर केला पहिला व्हिडिओ

काहीच दिवसांपूर्वी आलिया भट्ट हिनेही आपले यूट्यूब चॅनेल सुरू केले आहे. आता तिच्या पाठोपाठ अभिनेत्री दिशा पटाणीनेही आपले यूट्यूब चॅनेल सुरू केले आहे. यावर तिने तिचा पहिला व्हिडिओ देखील शेअर केला आहे.

मुंबई -बॉलिवूड कलाकार आपल्या चाहत्यांच्या संपर्कात राहण्यासाठी वेगवेगळ्या सोशल मीडिया प्लॅटफॉर्मवरुन भेटीला येत असतात. सध्या विविध बॉलिवूड कलाकार हे त्याच्या स्वत:च्या यूट्यूब चॅनेलच्या माध्यमातून प्रेक्षकांच्या भेटीला येत आहेत. काहीच दिवसांपूर्वी आलिया भट्ट हिनेही आपले यूट्यूब चॅनेल सुरू केले आहे. आता तिच्या पाठोपाठ अभिनेत्री दिशा पटाणीनेही आपले यूट्यूब चॅनेल सुरू केले आहे. यावर तिने तिचा पहिला व्हिडिओ देखील शेअर केला आहे.

दिशा या चॅनेलच्या माध्यमातून तिचं वर्कआऊट सेशन, फिटनेस फंडे, तिची दैनदिन शैली, फॅशन टीप्स, याबाबत संवाद साधताना दिसणार आहे. तिने तिच्या ट्विटर अकाऊंटवरुन तिच्या यूट्यूब चॅनलबद्दलची माहिती शेअर केली आहे.

हेही वाचा-द्वारकाधीशच्या दर्शनात बॉलिवूडची 'क्विन' लीन, पाहा व्हिडिओ

दिशा काही दिवसांपूर्वीच 'भारत' चित्रपटात झळकली होती. आता ती तिच्या आगामी 'मलंग' चित्रपटाची तयारी करत आहेत. या चित्रपटाचं दिग्दर्शन मोहित सुरी करत आहेत. तिच्यासोबत अनिल कपूर, आदित्य रॉय कपूर, कुणाल खेमू हे देखील या चित्रपटात झळकणार आहेत. पुढच्या वर्षी 'व्हॅलेन्टाईन डे'ला हा चित्रपट प्रदर्शित होईल.

हेही वाचा-'बिग बॉस १३' : सलमानला मिळाली 'दबंग पॉवर', इशाऱ्यावर नाचवणार स्पर्धक