हिंदी चित्रपटसृष्टीतील लोकप्रिय अभिनेत्यांना कोरोनाची लागण होत असताना मराठी चित्रपटसृष्टीही त्यातून सुटली नाही. मराठी सिनेसृष्टीतील अभिनेता दिग्दर्शक प्रियदर्शन जाधवला करोनाची लागण झाली आहे. प्रियदर्शनने त्याच्या इन्स्टाग्राम अकाऊंटवरून आपण कोरोना बाधित असल्याची माहिती दिली आहे.
प्रियदर्शन जाधवने इन्स्टाग्रामवर एक पोस्ट शेअर केली आहे. यात तो म्हणाला आहे, ” मी सर्वांना कळवू इच्छितो की सकाळी माझी करोना चाचणी पॉझिटिव्ह आली आहे. मी कोरोनाचे सर्व नियम पाळत आहे. योग्य उपचार घेण्यासाठी रुग्णालयात दाखल झालो आहे. माझ्या संपर्कात आलेल्यांनी आपली करोना चाचणी करावी ही विनंती , काळजी घ्या. ” अशी पोस्ट करत प्रियदर्शनने काळजी घेण्याचं आवाहन केलं आहे.