मुंबई - बॉलिवूड अभिनेत्री दीपिका पादुकोण हिची चाहत्यांमध्ये एक विशेष क्रेझ पाहिली जाते. तिच्याविषयी जाणून घेण्यासाठी चाहतेही उत्सुक असतात. दीपिका सोशल मीडियाच्या माध्यमातून तिच्या बऱ्याच आठवणी चाहत्यांशी शेअर करत असते. सध्या तिने तिच्या शाळेतील काही आठवणी सोशल मीडियावर शेअर केल्या आहेत. या पोस्टमध्ये तिच्या शिक्षकांचं तिच्याविषयी काय मत होतं, हे पाहायला मिळतं.
दीपिका पादुकोणने तिच्या गुणपत्रिकेचे फोटो शेअर केले आहेत. या गुणपत्रिकांमध्ये तिच्या शिक्षकांनी तिला रिमार्क दिला आहे. यामध्ये पहिला रिमार्क असा आहे, की 'दीपिका शाळेत खूप बडबड करते'. दुसऱ्या रिमार्कमध्ये लिहिलंय, 'तिने दिलेल्या सुचनांचं पालन करावं' आणि तिसऱ्या रिमार्कमध्ये लिहिलंय, की 'दीपिका दिवसाढवळ्या स्वप्न बघते'.
हेही वाचा -जॉन अब्राहम 'सत्यमेव जयते'च्या सिक्वेलसाठी सज्ज, फर्स्ट पोस्टर प्रदर्शित