भाईजानची पडद्यावर पुन्हा जादू, 'दबंग ३'ची पहिल्या दिवशीची दमदार ओपनिंग

या चित्रपटाच्या घोषणेपासूनच हा चित्रपट बराच चर्चेत राहिला. ट्रेलरवरही चाहत्यांच्या बऱ्याच प्रतिक्रिया पाहायला मिळाल्या. त्यामुळे पहिल्या दिवशी या चित्रपटाला कसा प्रतिसाद मिळतो, याची उत्सुकता होती.

मुंबई -दबंग आणि दबंग २ या सिनेमांना मिळालेल्या तुफान प्रतिसादानंतर आता या चित्रपटाचा तिसरा भाग म्हणजेच दबंग ३ प्रेक्षकांच्या भेटीला आला आहे. या चित्रपटाच्या घोषणेपासूनच हा चित्रपट बराच चर्चेत राहिला. ट्रेलरवरही चाहत्यांच्या बऱ्याच प्रतिक्रिया पाहायला मिळाल्या. त्यामुळे पहिल्या दिवशी या चित्रपटाला कसा प्रतिसाद मिळतो, याची उत्सुकता होती.

पहिल्याच दिवशी भाईजानच्या चाहत्यांचा चित्रपटाला दमदार प्रतिसाद मिळाला आहे. दुहेरी अकांची कमाई करून पहिल्याच दिवशी 'दबंग ३' २४.५० कोटीची कमाई केली आहे. चित्रपट समीक्षक तरण आदर्श यांनी ही आकडेवारी सोशल मीडियावर शेअर केली आहे.

हेही वाचा -Public Review: 'दबंग ३' पाहायला जाताय, जाणून घ्या प्रेक्षकांच्या प्रतिक्रिया

सलमानच्या 'दबंग' चित्रपटाने २०१० साली पहिल्या दिवशी १४.५० कोटीची कमाई केली होती. तर, २०१२ साली 'दबंग २' चित्रपटाची कमाई ही २१.१० कोटी होती. या दोन्ही चित्रपटांच्या तुलनेत 'दबंग ३'ची कमाई जास्त आहे. या चित्रपटावर प्रेक्षकांचा संमिश्र प्रतिसाद मिळत आहे. मात्र, पहिल्या आठवड्यात हा चित्रपट ५० कोटीपेक्षा जास्त कमाई करेल, असा अंदाज समीक्षकांनी व्यक्त केला आहे.

'दबंग ३' चित्रपटाच्या ट्रेलरसोबतच चित्रपटातील गाणीदेखील सोशल मीडियावर हिट झाली आहेत. हिंदीसह तेलुगू आणि तमिळ भाषेतही हा चित्रपट प्रदर्शित झाला आहे.

हेही वाचा -Exclusive Interview: 'मुन्ना बदनाम' गाण्यासाठी वरीना हुसैनने 'अशी' केली तयारी

या सिनेमाचं दिग्दर्शन प्रभूदेवा यांनी केलं आहे. प्रभूदेवाने याआधी सलमानच्या 'वॉन्टेड' सिनेमाचं दिग्दर्शन केलं होतं. सलमान खान आणि सोनाक्षी सिन्हा यांच्यासोबतच सई मांजरेकरचीही मुख्य भूमिका या चित्रपटामध्ये पाहायला मिळत आहे.

हेही वाचा -'दबंग ३' की 'गुड न्यूज', वर्षाअखेरीस रंगणार बॉक्स ऑफिसवर चुरस