मुंबई - संपूर्ण जगात कोरोना व्हायरसने दहशत पसरवली आहे. यापासून वाचण्याचा प्रयत्न लोक आपल्यापरीने करीत आहेत. असे असले तरी व्हायरसच्या तडाख्यात अडकलेल्यांची संख्या दिवसेंदिवस वाढत चालली आहे.
कोरोना व्हायरसचा वाढता प्रार्दुर्भाव लक्षात घेत दिग्गज अभिनेता दिलीप कुमार यांनी स्वतः आयसोलेशनमध्ये भरती होण्याचा निर्णय घेतलाय. प्रकृती साथ देत नसल्यामुळे दिलीप कुमार नियमित उपचार घेत असतात. काल रात्री त्यांनी ट्विरवर ही माहिती दिलीय.
दिलीप कुमार यांच्या पत्नी सायरा बानो त्यांची काळजी घेत आहेत. कोणत्याही प्रकारचे इन्फेक्शन होऊ नये याची पुरेपुर काळजी घेतली जात आहे.