मुंबई -अभिनेता अक्षय कुमार, करिना कपूर, कियारा आडवाणी आणि दलजीत दोसांझ यांची मुख्य भूमिका असलेला 'गुड न्यूज' हा या वर्षाच्या शेवटच्या आठवड्यात सिनेमागृहात प्रदर्शित झाला आहे. पहिल्या दिवसापासूनच या चित्रपटाला प्रेक्षकांचा चांगला प्रतिसाद मिळाला आहे. १७. ५० कोटीची दमदार ओपनिंग करुन चित्रपटाने यशाकडे वाटचाल केली होती. यामध्ये आता दुसऱ्या दिवशी यामध्ये २५ टक्के वाढ झाली आहे.
दुसऱ्या दिवशी चित्रपटाने २१ कोटीची कमाई केली आहे. आत्तापर्यंत या चित्रपटाची कमाई ३९.५० कोटी इतकी झाली आहे. त्यामुळे 'गुड न्यूज' हा यावर्षाचा शेवट गोड करणारा चित्रपट म्हणता येईल. आठवड्याच्या शेवटपर्यंत हा चित्रपट ५० कोटीची कमाई करेल, असा अंदाज समीक्षकांनी वर्तवला आहे.